EXPERIMENTO: NEVE

 Hoxe fixemos un experimento con bicarbonato e auga: neve artificial

Animais mariños con arte reciclada

 

No noso centro seguimos apostando por actividades creativas e comprometidas co coidado do medio ambiente. Nesta ocasión, o alumnado participou nunha proposta de arte reciclada, na que empregamos botellas, botes, tarros, tapóns e cartón para dar forma a diferentes animais mariños.

A través desta actividade, os nenos e nenas puideron experimentar, crear e imaxinar, ao tempo que reflexionaron sobre a importancia de reducir, reutilizar e reciclar materiais do día a día. Transformar residuos en creacións artísticas axudounos a entender que moitos obxectos poden ter unha segunda vida se usamos a nosa creatividade.

Esta iniciativa enmárcase dentro do Plan Proxecta+ – Escolas Verdes polo Clima, que promove accións educativas para o coidado do planeta, e tamén forma parte do programa A Voz Natura, concretamente do seu proxecto dos océanos, co que traballamos a protección dos ecosistemas mariños e a loita contra a contaminación dos mares.

Seguimos aprendendo, creando e coidando do noso planeta 💙🌍

 

RULETA DO INVERNO

 

 

TRABALLAMOS O VOCABULARIO DO INVERNO

ATENCIÓN E CONCENTRACIÓN

CHEGOU O INVERNO

 Esta semana fixemos unha manualidade para darlle inicio ao inverno na nosa aula de infantil.

Levamos a cabo varias técnicas:

- estampamos pompóns cas cores do inverno para crear o fondo

- traballamos o trazo creativo ca nosa motricidade fina creando árbores con raias

- pegamos a nosa foto para darlle máis significatividade

🌱 Experimento: Plásticos vs. orgánico

 

Na nosa aula de Educación Infantil levamos a cabo un pequeno experimento para aprender, dun xeito práctico e visual, como afectan os residuos ao medio ambiente.

Utilizamos unha caixa transparente na que introducimos tres elementos:

• Terra,

• Unha botella de plástico baleira,

• Unha monda de plátano.

  
  
   

O obxectivo era observar co paso do tempo cal dos materiais se descompón antes e cal permanece contaminando o medio.

Durante as próximas semanas, observaremos con moita curiosidade como a monda de plátano, ao ser un residuo orgánico, vai cambiando e descompoñéndose pouco a pouco, mentres que a botella de plástico permanece intacta, sen apenas cambios.

Este experimento axudanos a comprender que non todos os residuos desaparecen igual e que os plásticos tardan moitísimo tempo en degradarse, contaminando a natureza. Ademais, fomentamos valores como o coidado do medio ambiente, a importancia de reducir o uso de plásticos e a correcta separación dos residuos desde idades temperás.

Aprender experimentando é unha das mellores maneiras de tomar conciencia e construír un futuro máis sostible 🌍💚.

OS REIS MAGOS NON SE ESQUECERON DE TABEAIO!

 Hoxe voltamos ao cole e menuda sorpresa!!! Tiñamos un lote de agasallos baixo da nosa árbore 💓💓💫💫

- un tipi para xogo simbólico

- bandexas con materiais para facer minimundos, trasvases... nas mesas de experimentación

- materiais de estampar para arte

- xogo de construcción magnético

O NADAL CHEGOU AO COLE

 Dende a semana pasada comezamos  a traballar o nadal na aula de infantil.

Apareceu o elfo facendo das súas trastadas, levamos a cabo un montón de actividades de motricidade fina, de arte e sensoriais.

Tamén montamos a nosa árbore, fixemos adornos e xogamos moito.

Aquí tendes algunhas das fotografías destos 11 días que levamos de decembro.

RESCATAMOS AOS ANIMAIS MARIÑOS ATRAPADOS NA BASURA

 Nesta bandeixa sensorial preséntase un minimundo mariño onde diferentes animais aparecen atrapados en plásticos e pequenas redes, igual que sucede no océano real. Os nenos e nenas deben rescatalos con coidado empregando tixeiras de seguridade e pinzas, reforzando así a súa motricidade fina e a coordinación. A actividade esperta a curiosidade e favorece a paciencia, ao tempo que introduce dunha maneira respectuosa a importancia de reducir os residuos. Un xogo simbólico que combina exploración, aprendizaxe e conciencia ambiental.

 

MINIMUNDO: LIMPEZA DE PRAIAS

 Neste minimundo recreamos unha pequena praia con area, cunchas e animais mariños, entre os que se agochan plásticos e outros residuos. Os nenos e nenas deben atopalos e retiralos con pinzas, converténdose en pequenos equipos de limpeza do mar. Esta proposta estimula a motricidade fina, a concentración e a observación detallada. Ao mesmo tempo, axuda a comprender a importancia de manter as praias limpas e coidar o noso entorno natural. Un xogo simbólico sinxelo, cheo de aprendizaxes e sensibilidade ambiental.

 

AS TEXTURAS DOS ANIMAIS E ORIENTACIÓN ESPACIAL

 Esta semana fixemos estas dúas propostas do proxecto dos océanos:

- relacionar as texturas do corpo dos animais 

- orientación espacial nunha cuadrícula

ACTIVIDADE SENSORIAL TARTARUGA

 Levamos a cabo trasvases con palas, ferramentas de cociña e arroz. 

Tartaruga feita con elementos reciclados: tubos de cartón de papel hixiénico

Traballamos:

- a importancia de reciclar e reutilizar para transformar os residuos en xogos

- motricidade fina ao utilizar ferramentas de trasvases

- coordinación óculo-manual

TESOUROS DOS OCEANOS

 

Hoxe tivemos unha actividade moi especial no cole: a mamá dunha compañeira trouxonos uns auténticos “tesouros do océano”! Encheu a aula de conchiñas de mil formas e cores, pedras pulidas polo mar, e A. mostrounos moitos tipos de mariscos que viven nas nosas costas. O máis sorprendente foi ver o pico dun peixe vela —enorme e impresionante— e tamén o esqueleto dunha sepia, que aprendemos que serve para que os paxaros afiaren o seu peteiro. Descubrimos incluso as casas dos caramuxos ermitáns, que van cambiando de cuncha cando medran.

A. fixo unha presentación preciosa e chea de curiosidades, explicando con moita ilusión todo o que aprendera. Grazas  por compartir con nós este anaco de mar e por axudarnos a coñecer mellor a vida mariña. Foi unha actividade moi divertida e educativa, e agora miramos o océano con ollos cheos de admiración! 🌊🐚

 

 

CHARLA EDUCACION AMBIENTAL: reducir, reutilizar e reciclar

 

Hoxe tivemos no colexio unha charla moi interesante sobre educación ambiental. Aprendemos as 3R: reducir, reutilizar e reciclar, que son moi importantes para coidar o noso planeta. Faláronnos dos contenedores que temos en Galicia e que debemos separar ben o lixo. No amarelo van os envases de plástico e latas, no azul o papel e o cartón, no verde o vidro, e no marrón a materia orgánica. Tamén coñecemos o contenedor negro para o resto de residuos.  Agora sabemos que cada pequeno xesto conta para ter un mundo máis limpo e saudable.

Todo isto moi importante para o coidado dos océanos xa que todos os vertidos das vivendas van para o mesmo, polo que é moi importante reciclar e non tirar nada polo vater nin polo fregadeiro.

TARTARUGAS RECICLADAS

 

Na aula de infantil fixemos unha manualidade moi especial: unha tartaruga mariña feita con hueveras, paus e cunchas. Foi unha actividade divertida, creativa e, sobre todo, respectuosa co medio ambiente 🌍.

Primeiro, ca parte dunha huevera de cartón fixemos o corpo da tartaruga, pintándoa con tons verdes. Despois, engadimos catro paus de madeira (podían ser de xeados ou de ramas recollidas no patio) para facer as patas, e unhas pequenas cunchas coma ollos.

Falamos sobre como moitos obxectos que tiramos poden ter unha segunda vida, converténdose en materiais para crear arte. Deste xeito, aprendemos que reutilizar é tamén unha forma de coidar o planeta e de deixar voar a nosa imaxinación 🐢💚.