viernes, 27 de enero de 2023

Actividades relacionadas co inverno

Ola familias, aquí vos deixo unha pequena mostra das actividades que levamos a cabo na aula relacionadas co inverno: grafismo creativo con ceras brandas e acuarelas de cores frías, bonecos de neve cos nosos nomes, quebracabezas numérico, xogo de asociación de folerpas de neve, creamos folerpas con cores frías na caixa de luz, minimundo invernal, pesca de peixes no xeo na mesa sensorial, e por último traballamos vocabulario relacionado co inverno.

Apertas!





























jueves, 26 de enero de 2023

Proxecto o corpo humano: os músculos e quebracabezas do corpo

Ola familias, seguimos co noso proxecto sobre o corpo humano. Este mes de xaneiro descubrimos que son os músculo, para que serven e os seus nomes. O noso favorito é o esternocleidomastoideo, que está no pescozo.

Grazas a un quebracabezas e un libro que trouxo Lea, aprendemos moitas cousas sobre os músculos e outras partes do corpo.

Tamén probamos a facer músculos con plastilina vermella, e vimos o noso corpo por dentro na tablet grazas a realidade aumentada e as tarxetas de Body Planet.

Tamén vos deixo uns vídeos sobre os músculos que nos gustan moito.

Saúdos!


















martes, 24 de enero de 2023

Aniversarios do mes de xaneiro

Ola a todos e todas, no mes de xaneiro celebraron o seu aniversario na escola Alice e Elías, que xa levan 5 voltas ao sol cada un.

Parabéns!














sábado, 14 de enero de 2023

Proxecto O corpo humano. Arte

Ola familias, aquí vos deixo os traballos realizados por algúns nen@s de infantil sobre como aparece representado o corpo humano nalgunhas representacións artísticas.

Valeria recreou "O nacemento de Venus" de Botticelli, utilizando material de refugallo.

Oliver tamén reciclou para elaborar o seu traballo sobre o corpo humano no Antigo Exipto.

Alice elaborou un quebracabezas sobre o corpo e fixo un pequeno esquema sobre algunhas partes do corpo.

Lea inspirouse na obra da pintora fotorrealista Chuck Close.

Izan coloreou un dos famosos cadros do pintor cubista Pablo Picasso, que leva por título "Maya e a súa boneca".

Lia escolleu a obra de Ульяна Базильская, que representa as artes da danza e a pintura xuntas.

Catuxa preparou un traballo sobre o pintor e escultor colombiano Fernando Botero.

Gaia elaborou un gran traballo sobre o David de Miguel Anxo.

E Manu inspirouse no cubismo para preparar o seu traballo.

Estamos desexando ver máis traballos.

Moitas grazas pola vosa colaboración.

Apertas.