Agasallos de Nadal

Ola familias, aquí vos deixamos unhas imaxes dos agasallos de Nadal que atopamos na escola á volta das vacacións.

Moitas grazas á ANPA por aportar as motos e bicis para o patio.

Apertas!

Contacontos de Nadal e despedida de Lucía

Ola familias, a semana pasada despedimos a nosa marabillosa mestra en prácticas, a que botaremos moito en falta, e a que desexamos todo o mellor.

Tamén gozamos dun contacontos a cargo de Paula, que sempre se acorda da nosa escoliña por estas datas, e agasállanos coa sua presenza e os seus contos.

Desexarvos a todos unhas felices festas e un bo 2025.

Apertas!

Actividades de Nadal

Ola familias, aquí tedes algunhas imaxes coas actividades de Nadal que levamos a cabo estos días na escola: elaboramos grilandas de Nadal con cartón, fixemos o mes de decembro do noso libro de plástica inspirado no conto "Violeta ás agachadas", adornamos a nosa árbore de Nadal, abrimos cada día o noso calendario de advento, traballamos coas bandexas de aprendizaxe, elaboramos as bolsas e portadas dos nosos traballos deste trimestre, aprendemos vocabulario de Nadal, realizamos o noso esquema corporal do mes de decembro, limos contos de Nadal e por último escribimos a postal de Nadal e as cartas para os Reis Magos e Papá Noel.

Apertas!