Blog da aula de educación infantil do Ceip de Tabeaio
Dende a semana pasada comezamos a traballar o nadal na aula de infantil.
Apareceu o elfo facendo das súas trastadas, levamos a cabo un montón de actividades de motricidade fina, de arte e sensoriais.
Tamén montamos a nosa árbore, fixemos adornos e xogamos moito.
Aquí tendes algunhas das fotografías destos 11 días que levamos de decembro.
Nesta bandeixa sensorial preséntase un minimundo mariño onde diferentes animais aparecen atrapados en plásticos e pequenas redes, igual que sucede no océano real. Os nenos e nenas deben rescatalos con coidado empregando tixeiras de seguridade e pinzas, reforzando así a súa motricidade fina e a coordinación. A actividade esperta a curiosidade e favorece a paciencia, ao tempo que introduce dunha maneira respectuosa a importancia de reducir os residuos. Un xogo simbólico que combina exploración, aprendizaxe e conciencia ambiental.
Neste minimundo recreamos unha pequena praia con area, cunchas e animais mariños, entre os que se agochan plásticos e outros residuos. Os nenos e nenas deben atopalos e retiralos con pinzas, converténdose en pequenos equipos de limpeza do mar. Esta proposta estimula a motricidade fina, a concentración e a observación detallada. Ao mesmo tempo, axuda a comprender a importancia de manter as praias limpas e coidar o noso entorno natural. Un xogo simbólico sinxelo, cheo de aprendizaxes e sensibilidade ambiental.
Esta semana fixemos estas dúas propostas do proxecto dos océanos:
- relacionar as texturas do corpo dos animais
- orientación espacial nunha cuadrícula
Levamos a cabo trasvases con palas, ferramentas de cociña e arroz.
Tartaruga feita con elementos reciclados: tubos de cartón de papel hixiénico
Traballamos:
- a importancia de reciclar e reutilizar para transformar os residuos en xogos
- motricidade fina ao utilizar ferramentas de trasvases
- coordinación óculo-manual
Hoxe tivemos unha actividade moi especial no cole: a mamá dunha compañeira trouxonos uns auténticos “tesouros do océano”! Encheu a aula de conchiñas de mil formas e cores, pedras pulidas polo mar, e A. mostrounos moitos tipos de mariscos que viven nas nosas costas. O máis sorprendente foi ver o pico dun peixe vela —enorme e impresionante— e tamén o esqueleto dunha sepia, que aprendemos que serve para que os paxaros afiaren o seu peteiro. Descubrimos incluso as casas dos caramuxos ermitáns, que van cambiando de cuncha cando medran.
A. fixo unha presentación preciosa e chea de curiosidades, explicando con moita ilusión todo o que aprendera. Grazas por compartir con nós este anaco de mar e por axudarnos a coñecer mellor a vida mariña. Foi unha actividade moi divertida e educativa, e agora miramos o océano con ollos cheos de admiración! 🌊🐚
.jpg)
Na aula de infantil fixemos unha manualidade moi especial: unha tartaruga mariña feita con hueveras, paus e cunchas. Foi unha actividade divertida, creativa e, sobre todo, respectuosa co medio ambiente 🌍.
Primeiro, ca parte dunha huevera de cartón fixemos o corpo da tartaruga, pintándoa con tons verdes. Despois, engadimos catro paus de madeira (podían ser de xeados ou de ramas recollidas no patio) para facer as patas, e unhas pequenas cunchas coma ollos.
Falamos sobre como moitos obxectos que tiramos poden ter unha segunda vida, converténdose en materiais para crear arte. Deste xeito, aprendemos que reutilizar é tamén unha forma de coidar o planeta e de deixar voar a nosa imaxinación 🐢💚.
Esta semana tivemos unha visita moi especial na aula: dúas mamás enfermeiras viñeron facernos un taller de RCP e primeiros auxilios.
Cada neno e nena trouxo o seu peluche favorito, e con eles aprendemos cousas moi importantes: que sempre debemos chamar ao 112 e avisar a un adulto cando alguén precisa axuda.
Cantamos unha canciño moi divertida para lembrar esa mensaxe, e practicamos como colocar a unha persoa de lado se está desmaiada, ademais de aprender como actuar con calma ante unha emerxencia.
Foi unha mañá chea de emocións, aprendizaxes e moita ilusión.
💖 Moitas grazas ás mamás enfermeiras por compartir connosco o seu tempo e ensinarnos tanto!
Hoxe aprendemos nomes de animais mariños usando letras de madeira. Formamos palabras como peixe, tartaruga, polbo e estrela de mar. Mentres xogabamos, lembramos que todos eles viven nun mar que debemos coidar. Aprendemos letras, palabras e tamén a importancia de reciclar e respectar a natureza. ¡Que divertido é aprender co mar! 🌊💚
.jpg)
Hoxe fixemos unha manualidade moi divertida con cartolinas recicladas: unha fermosa tartaruga mariña. Debuxamos o seu caparazón, decorámolo con anacos de papel usado e pintámolo con moita imaxinación. Mentres traballabamos, falamos de como o plástico contamina o seu fogar. ¡As nosas tartarugas recórdanos que reciclar é coidar o mar! 🌊♻️
.jpg)
Na aula creamos un minimundo para aprender o ciclo de vida da tartaruga mariña. Usamos area, madeiriñas, pedras e cunchas para facer o seu hábitat. Vimos como nacen as crías, chegan ao mar e medran ata facerse adultas. Aprendemos que cada etapa é importante e que debemos coidar o seu fogar. ¡Foi unha experiencia máxica e chea de aprendizaxe! 🌊✨
Tamén vimos unha cortometraxe de ecoembes da importancia de coidar o mar e non tirar residuos nin plásticos no mar para que os animais non queden atrapados nen se poidan intoxicar.
Ola familias, esta semana celebramos na escola os aniversarios dos nenos e nenas que cumplen anos en verán.
Parabéns!
Ola a todos e todas, ao longo de todo este curso realizamos diversas actividades manipulativas de lóxica-matemática, a través das que traballamos diversos aspectos e contidos dunha maneira lúdica.
Aquí vos deixo algunhas imaxes.
-Atributos bloques lóxicos.
-Series lóxicas.
-Actividades de conteo con BeeBot.
-Serie numérica, conteo, sumas e restas...
